Jab Tu Peida Huwa Kitna Majbour Tha
Yeh Jahan Teri Sochon Se Bhi Door Tha
Hath Paon Bhi Tab Tere Apnay Na Thay
Teri Ankhoan Main Duniya Ke Sapne Na Thay
Tujh Ko Ataa Sirf Rona Hi Tha
Doodh Pee Ke Kaam Tera Sona Hi Tha
Tujh Ko Chalna Sikhaya Tha Maa Ne Teri
Tujh Ko Dil Main Basaya Tha Maa Ne Teri
Maa Ke Sayay Main Tu Parwan Chalne Laga
Waqt Ke Sath Qad Tera Barhnay Laga
Aahista Aahista Tu Kariyal Jawan Ho Giya
Tujh Pe Sara Jahaan Meherban Ho Giya
Zor-e-Bazoo Pe Tu Baat Karne Laga
Khud Hi Sajnay Laga Khood Hi Sawarnay Laga
Aik Din Ik Haseena Tujhe Bha Gayi
Ban Ke Dulhan Woh Tere Ghar Agayi
Apnay Farz Se Tu Door Hone Laga
Beej Nafrat Kay Khud Hi Tu Bone Laga
Phir Tu Maa Baap Ko Bhi Bhulanay Laga
Teer Bato Kay Phir Tu Chalanay Laga
Baat Be Baat Unn Se Tu Larne Laga
Qaaida Ik Naya Tu Parhne Laga
Yaad Kar Tujh Se Maa Ne Kaha Ik Din
Abb Humara Guzara Nahi Tere Bin
Sunn Ke Yeh Baat Tu Taish Main Aa Gaya
Tera Gussa Teri Aqal Ko Kha Gaya
Josh Main Aakay Tu Ne Yeh Maa Se Kaha
Main Tha Khamosh Sub Dekhta Hi Raha
Aaj Kehta Hoon Peecha Mera Chor Do
Jo Hai Rishta Mera Tum Se.. Woh Tor Do
Jao Ja Ke Kahin Kaam Dhanda Karo
Log Martay Hain Tum Bhi Kaheen Ja Maro
Beth Kar Aahain Bharti Thee Woh Raat Bhar
Us ki Aahon Ka Tujh Par Howa Na Asar
Aik Din Baap Tera Chala Rooth Kar
Kaise Bikhri Thi Phir Teri Maa Toot Kar
Phir Woh Bhee Bass Maut Ko Bulati Rahi
Zindagi Us Ko Har Roz Satati Rahi
Aik Din Maut Ko Bhi Tars Aa Gaya
Us ka Rona Bhi Taqdeer Ko Bhaa Gaya
Ashk Ankhon Main Liye Woh Rawana Howi
Maut Ki Aik Hichki Bahana Howi
Ik Sukoon Us Ke Chehre Pe Chhaanay Laga
Phir Tu Mayyat Ko Us ki Sajane Laga
Muddatain Ho Gaee.. Aaj Boorha Hai Tu
Jo Para Tooti Khatiya Pe, Koora Hai Tu
Tere Bachay Bhee.. Abb Tujh Se Dartay Nahi
Nafratein Hain.. Muhabbat Woh Kartay Nahi
DARD MAIN TU PUKARAY…KE O MERI MAAA
TERE DAM SE ROSHAN THE DONO JAHAN
Waqt Chalta Raha Waqt Rukta Nahi
Toot Jata Hai Woh… Jo Ke Jhukta Nahi
Bann Ke Ibrat Ka Tu Abb Nishan Reh Gaya
Dhondh K Ab Zor Tera Kahan Reh Giya
Most Commented
